नांदगांव तालुक्यातील चिंचविहिर येथे बिबट्याने दि.१० जुलै रोजी विक्रम भागवत दानेकर वय ६०. या शेतकर्यावर हल्ला केल्याने ते गंभीर जखमी उपचारासाठी ग्रामीण रुग्णालयात दाखल, बिबट्याच्या दहशतीने नागरिक भयभीत.
दानेकर हे सायंकाळी६:३० वा. विहिरीवर पाणी घ्यायल गेले असता मकाच्या शेतात लपलेल्या बिबट्याने त्यांच्यावर हल्ला केला त्यात त्यांच्या पाठीवर पंजा मारल्याने पाच सात ठिकाणी गंभीर जखमा झाल्या या वेळी त्यांनी बिबट्यास जबरदस्त प्रतिकार करून परतवून लावले व आरडा ओरडा केल्याने शेतातील रहिवासी मदतीला येताचा बिबट्या तेथून पसार झाला असून वरील घटनेमुळे चिंचविहीर आणि परिसरातील नागरिक व शेतकरी भयभीत झाले आहे.
जखमी शेतकरी भागवत दानेकर यांना येथील सरपंच किशोर नवले, उपसरपंच रामेश्वर तुरकुने, व ग्रामस्तांनी नांदगांव ग्रामीण रुग्नालयात उपचारास दाखल केले. वनविभागाच्या कर्मचार्यांना वरील बातमी समजताच त्यांनी रुग्णालयात जावून विचारपूस केली. व घटनास्थळी धाव घेतली.
सीसीटीव्ही कॅमेरा असताना देखील पिंजरा का हलविण्यात आला?
दरम्यान चिंचविहिर येथे ज्या ठिकाणी पिंजरा लावण्यात आला होता, या दरम्यान बिबट्याने तुरकुणे व जाधव वस्तीवर लावलेल्या पिंजर्यातुनआठ दिवसापुर्वी राञी शेळी पिंजर्यातुन ओढून नेवून फस्त केली . तसेच वस्तीवरील पाच सहा कुञ्यांची देखील शिकार केली असे असताना बिबट्या पिंजर्यात येत नाही म्हणून दि १० जुलै रोजी दुपारी ४ वा पिंजरा तेथून हलवताच ६:३०वा बिबट्याने विक्रम यांचेवर हल्ला केला. माञ चिंचविहीर येथे पिंजरा लावलेल्या कालावधीत Cctv मध्ये राञी बिबट्या दिसून आला असतांना देखील वनविभागाने हलगर्जीपणा केल्याने शेतकर्यावर हल्ला झाल्याचे येथील नागरीक सांगतात. या ठिकाणी CCTV. मध्ये बिबट्या दिसला असतांनाच येथील पिंजरा का हलवला? या बाबत नागरिक प्रश्न विचारत आहे.
गरज पडल्यास अधिक उपचारासाठी पुढे हलवू
बिबट्याने हल्ला केलेला शेतकरी गंभीर स्थितीत आहे पण त्यांची प्रकृती स्थिर आहे वेळ प्रसंगी वेळ आल्यास त्याना उपचाराला बाहेर हलवू असे येथील ग्रामीण रुग्नालय नांदगांवचे वैद्यकीय अधिकारी डाॅ. राठोड यांनी यावेळी सांगितले.
0 Comments