Bay-team aavaj marathi
मारुती जगधने जेष्ठ पत्रकार नांदगाव (नाशिक)
शुक्रवार दि.३० रोजी आ.सुहास अण्णा कांदे यांच्या कल्पकतेतून नांदगाव येथे उभारण्यात आलेल्या शिवसृष्टीचे लोकार्पण मुख्यमंत्री एकनाथ शिंदे यांच्या हस्ते सायंकाळी आठ वाजेच्या दरम्यान प्रचंड रोषणाई मध्ये आतिषबाजी करून ढोलताशांच्या गजरात हजारो शिवप्रेमींच्या उपस्थितीत करण्यात आले. यावेळी मुख्यमंत्री शिंदे यांनी आ. कांदे यांच्या विधानसभा मतदारसंघात असलेल्या नांदगाव, मनमाड शहरासह तालुक्यातील गावांच्या अडचणी सोडविण्याची धडपड आणि कमी कालावधीमध्ये केलेल्या विकास कामांची प्रश्नांना करतांना आ.कांदे यांचे कौतुक करत आमदार असावा तर सुहास कांदे सारखा असे गौरवोद्गार काढले. व येणाऱ्या विधानसभा निवडणुकीत सुहास अण्णा कांदे यांना मागील निवडणुकीपेक्षा डबल मताधिक्याने निवडून द्या,असे म्हणून जणू सुहास अण्णा कांदे यांच्या उमेदवारीवर शिक्कामोर्तब केला असता उपस्थित स्त्रोत्यांनी प्रचंड टाळ्या वाजवून दाद दिली.
मुख्यमंत्री एकनाथ शिंदे आ.सुहास अण्णा कांदे यांच्या बाबत गौरवोद्गार काढताना पहाण्यासाठी खालील लिंक वर टच करा
यावेळी व्यासपीठावर जिल्ह्याचे पालकमंत्री दादाजी भुसे, खा.डॉ श्रीकांत शिंदे मा.खा.संजय निरुपम, किशोर दराडे,आ. सुहास कांदे, सामाजिक कार्यकर्त्या अंजुमताई कांदे यांचेसह मान्यवर उपस्थित होते.
याप्रसंगी आ. कांदे यांनी व्यासपीठावरील उपस्थित मान्यवर आणि स्त्रोत्यांना शिवसृष्टीची माहिती देताना म्हणाले की, विधानसभा मतदारसंघातील नागरिकांना दिलेल्या शब्द मी पाळला असून, या शिवसृष्टीत छ. शिवाजी महाराजांच्या संपूर्ण पुतळ्याची उंची ७१ फूट आहे. दुसऱ्या टप्प्यात शिवसंग्रहालय साकारण्यात येईल. सार्वजनिक बांधकाम विभागाच्या मालकीच्या एक हेक्टर जागेत शिवसृष्टी प्रकल्प विकसित करण्यात आला आहे. सद्य:स्थितीत प्रादेशिक पर्यटन विकास योजना,पर्यटन व सांस्कृतिक कार्य विभाग, राज्य शासन तसेच जिल्हा वार्षिक योजनेंतर्गत एकूण चार कामांच्या १२ कोटी रुपये खर्चास प्रशासकीय मान्यता प्राप्त झाली आहे.तसेच तांत्रिक मान्यता व निविदेची कार्यवाही पूर्ण होऊन सात कोटी रुपये रकमेची कामे पूर्ण करण्यात आली आहेत. यात मिनी थिएटर,ॲम्पी थिएटर, शिवाजी महाराजांचे प्रेरणा देणारे प्रसंग, सभोवताली कारंजे आदि व्यवस्था करण्यात आली आहेत. इत्यादी माहिती दिली.तसेच करंजवण पाणीपुरवठा योजना लवकरच कार्यान्वित होणार आहे.त्यासाठी राज्य शासनाने ६०० कोटी रुपयांचा निधी उपलब्ध करून दिला.नांदगाव शहरा करिता पाणीपुरवठा योजनाही लवकरच कार्यान्वित होईल असेही त्यांनी सांगितले. यावेळी आ.कांदे यांनी नांदगाव शहरातील इंग्रज कालीन असलेल्या नगरपालिकेची इमारत जीर्ण झाली असून, नवीन इमारतीसाठी मुख्यमंत्री शिंदे यांच्याकडे निधीची मागणी केली असता मुख्यमंत्री शिंदे यांनी नवीन इमारतीच्या बांधकामासाठी दहा कोटी रुपये निधी देण्याची तत्वतः निधीसाठी मान्यता दिली.
मुख्यमंत्री शिंदे म्हणाले की, छ्त्रपती शिवाजी महाराज युगपुरुष आहेत.ते राज्याची अस्मिता आहेत. भारताचा अभिमान आहेत. ते राज्याची श्रद्धा आहेत. राजकोट येथील घटना दुर्दैवी घटनेबाबत खेद व्यक्त करत राज्य शासन आणि नौदलातर्फे लवकरच पुन्हा भव्य पुतळा उभारण्यात येईल.असे सांगून मुख्यमंत्री पुढे म्हणाले की, नांदगाव शहरात सर्वात मोठा आणि ऐतिहासिक प्रकल्प उभारण्यासाठी झालेले प्रयत्न कौतुकास्पद आहेत.छत्रपती शिवाजी महाराजांच्या कार्याला शोभेल अशी शिवसृष्टी तयार झाली आहे. ही शिवसृष्टी नांदगाव शहराच्या विकासाचा ऐतिहासिक टप्पा ठरेल. या शिवसृष्टीच्या उर्वरित कामांसाठी आवश्यक निधी उपलब्ध करून दिला जाईल असे आश्वासन दिले. राज्य शासनाने सर्वसामान्यां -साठी राबवत असलेल्या कल्याणकारी योजनांची माहिती देताना मुख्यमंत्री माझी लाडकी बहीण योजना सुरू केली. त्याचा राज्यातील कोट्यवधी बहीणींना लाभ झाला आहे. आगामी काळात या योजनेचा निधी वाढविला जाईल. या योजनेच्या माध्यमातून अर्थ व्यवस्थेला चालना मिळेल. युवकांसाठी मुख्यमंत्री युवा कार्य प्रशिक्षण योजना सुरू केली आहे.तसेच मुख्यमंत्री स्वयंम योजना सुरू केली. राज्याला विकास कामातून पुढे नेण्यात येत आहे. मुलींना मोफत शिक्षणाचा निर्णय घेण्यात आल्याचे सांगितले. या कार्यक्रमाचे निमित्ताने गायक, दिग्दर्शक,संगीतकार अवधून गुप्ते,स्वप्नील बांदोडकर, गायिका वैशाली सामंत यांचा स्वर संगीत कार्यक्रमाचे आयोजन करण्यात आले होते. कार्यक्रमाचे प्रास्ताविक बापूसाहेब कवडे यांनी केले तर पालकमंत्री दादाजी भुसे यांनी आभार मानले.
0 Comments