दि.१९...नाशिक जिल्ह्यातील दुसऱ्या क्रमांकाचे सर्वात मोठे शिवलिंग आणि नांदगाव तालुक्या- तील जातेगाव पासून सात किलोमीटर अंतरावर सह्याद्री पर्वत रांगेतील डोंगराच्या शिखरावर असलेले श्रीक्षेत्र पिनाकेश्वर महादेव मंदिर येथे ७१ वर्षानंतर आलेल्या दुर्लभ योग असल्याने यावर्षी रविवार दि.१८ पासून १९ सोमवारी सायंकाळी उशिरापर्यंत दिड लाखांपेक्षा अधिक भाविकांनी दर्शन घेतले.
श्रावण महिन्यातील पवित्र तिसऱ्या सोमवारीच्या निमित्ताने ७० हजार पुरुष तसेच महिला भाविकांनी अनवाणी पायाने वैजापूर तालुक्यातील सराला बेट, श्रीक्षेत्र वेरूळ, कोपरगाव येथून बेल आणि भोपळ्याचे फळांमध्ये पवित्र जल घेऊन सुमारे ६० ते ११० किलोमीटर आंतर पायी चालत येऊन रविवारी रात्री १२ वाजेनंतर देवस्थान ट्रस्टच्या वतीने देवास महाभिषेक केल्या नंतर सालाबाद प्रमाणे जलाभिषेकास सुरुवात करण्यात आली. यावेळी हर हर महादेव,सद्गुगुरू जनार्दन स्वामी महाराज की जय, गंगामैय्या की जय,गंगागिरीजी महाराज की जय,बंम बंम भोलेच्या गजराने मंदिर परिसरासह संपूर्ण ३ किलोमीटर परिसर दुमदुमून गेला होता.यावर्षी पाऊस नसल्याने अनवाणी पायाने पवित्र जल आणनार्या भाविकांच्या पायास मोठ्या प्रमाणात इजा झाल्या होत्या. त्यांच्यावर आ.सुहास अण्णा कांदे यांच्या उपक्रमातील फिरता दवाखान्यात, प्राथमिक आरोग्य बोलठाणच्या वैद्यकीय अधिकारी स्वाती गोंड यांच्या मार्गदर्शनाखाली प्रा.आ. उपकेंद्राचे समुदाय वैद्यकीय अधिकारी डॉ.महेश देशमुख, पल्लवी साळुंखे, खाजगी डॉ.प्रदिप चौधरी,अमोल उगले, dr.अलोक यांनी देवस्थानाच्या ठिकाणी उपचार करून रुग्णांना मार्गस्थ केले.
रात्रभर सुरू असलेला जलाभिषेक सोमवारी दुपारी अकरा वाजेपर्यंत सुरू होता. त्यासोबत दिवसभर अबालवृद्धांसह महिला आणि भाविकांची दर्शनासाठी गर्दी झाली होती.आलेल्या भाविकांनी हिरवा शालू पांगरलेल्या सह्याद्री पर्वत रांगेतील डोंगरांच्या टेकड्यांवर बसून वनपर्यटनासह वनभोजना मनमुराद आनंद लुटला. मराठवाडा तसेच बाहेर गावच्या जलाभिषेक करण्यासाठी येणार्या भाविकांनी आणि दर्शनार्थी भाविकांनी परतीच्या प्रवासासाठी स्वतःची वाहनांची व्यवस्था केलेली असल्याने डोंगराच्या पायथ्याशी मोठ्या प्रमाणावर रिक्षा, कार, मोटारसायकल, टेंपो, पिकप, छोटाहात्ती इत्यादी वाहनांची रविवारी सकाळ पासून सोमवारी सायंकाळी उशिरापर्यंत गर्दी झाली होती. देवस्थान ट्रस्टचे अध्यक्ष ज्ञानदेव चव्हाण, उपाध्यक्ष बाबासाहेब चव्हाण, सचिव रामदास चव्हाण, कोषाध्यक्ष शरद पवार, बाजार समितीचे माजी सभापती व विश्वस्त अर्जुन पाटील, ज्ञानेश्वर पवार, शिवाजी वर्पे, शिवाजी गायकवाड, गणेश गवंडर, अनिल शिंदे कैलास तुपे, श्री पिनाकेश्वर तरूण मित्र मंडळ, आणि ग्रामपालीका सदस्य, विकास सोसायटीचे पदाधिकारी व सामाजिक कार्यकर्ते पस्थितीवर लक्ष ठेवून होते.
रविवारी दिवस रात्र व सोमवारी सायंकाळपर्यंत स्वयंसेवकांनी येनार्या भाविकांना योग्य मार्गदर्शन केले. सालाबाद प्रमाणे या वर्षी देखील जातेगांव ग्रामस्थ व देवस्थान ट्रस्टच्या वतीने आणि नांदगावचे नगराध्यक्ष राजेश (बबिकाका) कवडे यांच्या जनसेवा मित्र मंडळ, संजय नगर मित्र मंडळ छत्रपती संभाजी नगर यांच्या वतीने आणि व्यक्तिगत,मित्रमंडळांनी येथे येनार्या भाविकांसाठी मोफत चहा पाणी आणि शाबुदाना खिचडीचे (भंडार्याचे) आयोजन करण्यात आले होते.
उपविभागीय पोलिस अधिकारी बाजीराव महाजन यांनी प्रत्यक्ष येवून पहाणी केली, बंदोबस्त कामी कर्मचार्यांना काही सुचना केल्या त्यांच्या आणि प्रभारी पोलिस निरीक्षक प्रमित चौधरी, पोलीस उपनिरीक्षक निरीक्षक मनोज वाघमारे, सहा.पो.नी.सुनील बडे, सहा.पो.नी संतोष बहाकर मार्गदर्शनाखाली पोलिस हवालदार भास्कर बस्ते, भरत कांदळकर,परमेश्वर श्रीखंडे, व इतर जिल्ह्यातुन बंदोबस्त कामी आलेल्या पुरुष व महिला पोलिस शिपाई दंगारोधक पथक होमगार्ड त्याचप्रमाणे खाजगी सुरक्षा रक्षक यांनी चोख बंदोबस्त बजाविल्याने कुठलाही अनुचित प्रकार घडला नाही.
0 Comments