औचित्य होते कादवा कारखाना संचालक मा. बाळासाहेब जाधव यांचे पुतणीच्या लग्नाचे लग्न सोहळ्यास नामदार झिरवाळ निमंत्रित होते. वधूवरांना शुभाशीर्वाद देण्यासाठी कारखान्याचे चेअरमन मा.श्रीराम शेटे आणि नामदार झिरवाळ मंचावर गेले. यावेळी उभय मान्यवरांनी वधू - वरांना शुभाशीर्वाद दिल्यानंतर गुरुजींनी मंगलाष्टके म्हणायला सुरुवात केली. यावेळी मंत्री महोदयांनीही गुरुजींकडून माईक घेतला आणि मंगलाष्टकाचे सूर अतिशय तालासुरात म्हणायला सुरुवात केली आणि सर्वांचे लक्ष वेधून घेतले.
याप्रसंगी उपस्थित लग्न सोहळ्यातील सर्वांनी आश्चर्य व्यक्त करीत मंत्री महोदयांना मनापासून दाद दिली. कॅबिनेट मंत्री असल्याचा कोणताही बडेजाव न दाखवता जिथे जातील तेथे सर्वसामान्यांमध्ये सामील होणे हा झिरवाळांच्या व्यक्तिमत्त्वाचा पैलू पुन्हा एकदा सर्वांच्या नजरेत भरला. अनेक लग्न सोहळ्या मध्ये झिरवाळांचे नाचणे नुकत्याच झालेल्या निवडणुकीत विरोधकांच्या टिकेचा विषय बनले होते. यावर श्री. झिरवाळ यांनी मी गरिबांच्या लग्नात नाचतो असे समर्थन देखील केले होते. आज मंगलाष्टकांचे गायन केल्यामुळे त्यांचे एक नवे रूप पुन्हा एकदा चर्चेला आले.
कधी डोंगऱ्यादेव उत्सवात पावरी वाजवणारे, कधी यात्रा उत्सवात तमाशात ताल धरणारे, कधी लग्नाच्या वरातीत नाचणारे, अन कीर्तनात टाळ मृदुंग वर हरिनामाच्या ठेक्यात नाचत गुंग होणारे अशा विविध अंगांनी सतत चर्चेत असलेले नामदार नरहरी झिरवाळ यांनी चक्क लग्न सोहळ्यात मंगलाष्टकाचे गायन करत पुन्हा एक नवे रूप दाखवून सर्व उपस्थितांना आश्चर्याचा धक्का दिला.
0 Comments