मनमाड येथील विविध कर्मचारी संघटनेचे नेते व कार्यकर्त्यांनी महाराष्ट्र कामगार सेनेत प्रवेश

 Bay- team aavaj marathi 

भरत पारख पत्रकार नांदगाव (नाशिक)

मनमाड येथील भारतीय कम्युनिस्ट पक्ष प्रणित सि टू कामगार संघटनेचे आणि भारतीय राष्ट्रीय काँग्रेस प्रणित महाराष्ट्र नगरपालिका कर्मचारी संघटनेच्या नेते व कार्यकर्त्यांनी महाराष्ट्र नगर पालिका कर्मचारी कामगार विकास सेनेचे संस्थापक अध्यक्ष आ.सुहास अण्णा कांदे यांच्या नेतृत्वावर विश्वास ठेवून त्यांच्या नांदगाव येथील निवासस्थानी जाऊन शिवसेना प्रणित कामगार सेनेत प्रवेश केला.

या बाबत सविस्तर वृत्त असे की, मनमाड नगरपालिकेतील सि टू कामगार संघटनेसह रिपब्लिकन फेडरेशन अखिल भारतीय सफाई काँग्रेस मुनिसिपल कर्मचारी कामगार संघटनेच्या अनेक पदाधिकारी व सदस्यांनी महाराष्ट्र नगरपालिका कर्मचारी कामगार विकास सेनेत आ. सुहास अण्णा कांदे संस्थापक अध्यक्ष यांच्या नेतृत्वावर विश्वास ठेवून राज्य कार्यकारणी सरचिटणीस माननीय फरहान (दादा) खान, सामाजिक कार्यकर्त्या सौ.अंजुमताई कांदे, शिवसेना शहर प्रमुख मयूर बोरसे यांच्या उपस्थितीत तत्कालीन सिटू संघटनेचे अध्यक्ष संतोष वानखेडे, सुरज चावरिया रिपब्लिकन फेडरेशनचे अध्यक्ष मटरू चुनियन, सफाई काँग्रेसचे अध्यक्ष संजय बहोत, मुन्सिपल कर्मचारी कामगार सेनेचे आनंद आवटी, सफाई मुकदम मिथुन दिगान, मलेरिया विभाग रोहित शिंदे, कैलास जाधव, आशा सेविका मोहिनी मैध, मोहिनी वाघ यांच्या नेतृत्वात अनेक कामगारांनी कामगार विकास सेनेत जाहीर प्रवेश केला. 

१० लाखांपर्यंत मोफत आरोग्य सुविधा पुरविण्यात येणार, तसेच कामगार भवन बांधणार- आ.कांदे 

याप्रसंगी आ. सुहास अण्णा कांदे यांनी त्यांचे मनोगत व्यक्त करताना नगरपालिकेच्या सर्व कामगारांसह इतर कामगारांना व नागरिकांना वैद्यकीय सुविधा पुढील महिन्यापासून लागू करण्यात येणार असून १० लक्ष पर्यंतचे शस्त्रक्रिया मोफत करण्यात येणार असल्याचे जाहीर केले. तसेच मनमाड नगरपालिकेच्या कर्मचाऱ्यांसाठी एक महिन्याचे वेतन अनुदान राखीव ठेवण्यासाठी नगरपालिका प्रशासनास तात्काळ तरतुदी साठी आदेश दिले. मनमाड शहर हे कामगार वस्तीचे शहर असल्यामुळे व भारतरत्न डॉक्टर बाबासाहेब आंबेडकर यांनी मनमाड शहरात पहिली कामगार परिषद घेतल्याचे स्मरण ठेवून मनमाड शहरात कामगारांसाठी भव्य दिव्य असे कामगार भवन बांधण्यात येणार असून त्यासाठी एक कोटी रुपयांचा निधी उपलब्ध करून दिला जाणार आहे असे जाहीर केले. लवकरच इतर विभागातील विविध क्षेत्रातील कर्मचारी महाराष्ट्र औद्योगिक कामगार विकास सेनेत व महाराष्ट्र नगरपालिका कर्मचारी कामगार विकास सेनेत प्रवेश करण्यात करणार आहेत असे त्यांनी सांगितले.

यावेळी सर्व प्रवेश केलेल्या कामगारांच्या वतीने संतोष वानखेडे यांनी मनोगत व्यक्त करत अनेक कामगारांचे प्रश्न व अडचणी मांडल्या तसेच कामगार विकास सेनेचे सल्लागार किरण अहिरे, तालुका अध्यक्ष विलास हुकिरे, मनमाड शाखा अध्यक्ष किशोर अहिरे यांनी मनोगत व्यक्त केले. कामगारांच्या विविध प्रश्नांवर माननीय अंजुमताई कांदे यांनी त्यांचे मनोगत व्यक्त करत सर्व कामगारांचे शिवसेना परिवारात स्वागत केले. 

 यावेळी मनमाड चे माजी नगराध्यक्ष राजाभाऊ पगारे, माजी नगराध्यक्ष बबलू भाऊ पाटील, वाल्मीक आप्पा आंधळे, सुभाष माळवदकर व अनेक मान्यवर उपस्थित होते. कार्यक्रमाचे सूत्रसंचालन प्रस्तावना कामगार नेते निलेश सपकाळे यांनी केले.तर उपस्थितांचे आभार प्रदर्शन निलेश सपकाळे यांनी मानले. याप्रसंगी मनमाड नगरपालिकेचे कर निरीक्षक मनोज मगर,आनंद आवटी यांच्या नगरपालिकेची यावर्षी चांगली कर वसुली झाल्याबद्दल  यांचा सत्कार करण्यात आला.