नांदगाव शहरातील चांडक प्लॉट भागाला जोडणाऱ्या पुलाचे लोकार्पण सौ.कांदे यांच्या हस्ते लोकार्पण

 Bay- team aavaj marathi 

 मारुती जगधने जेष्ठ पत्रकार नांदगाव (नाशिक) 

आमदार सुहास कांदे यांच्या माध्यमातून नांदगाव शहरातील चांडक प्लॉट भागातील व परिसरातील नागरिकांनी केलेल्या मागणी नुसार रेल्वे पुलाच्या बाजूला नवीन पूल बांधण्यात आला. या पुलाचे लोकार्पण आज सौ.अंजुमताई कांदे यांच्या हस्ते करण्यात आले.याप्रसंगी पुलावर रांगोळी काढून फुगे लावून सजावट करण्यात आली होती.

याप्रसंगी बोलताना सौ.अंजुम ताई कांदे म्हणाल्या की आपण आमच्यावर विश्वास ठेवला आहे आपल्यासाठी काम करणे, आपल्या अडचणी सोडविणे हे आमचे कर्तव्य आहे. आणि म्हणूनच हा पूल झाल्याचा आपल्याला जेवढा आनंद होत आहे तितकाच आम्हाला सुद्धा होत आहे असे मत व्यक्त केले.

सविस्तर वृत्त असे की,चांडक प्लॉट, एस.टी कॉलनी, गांधीनगर,भोले नगर, बाजार समिती या परिसरातील नागरिकांना वर्दळीच्या दृष्टीने प्रमुख रस्ता असून गेल्या वर्षापासून पावसाळ्यात नदीला पूर आल्यानंतर या भागातील रहिवाशांचे संबंध तुटून जायचे त्यामुळे नागरिकांना वरील परिसरातील नागरिकांना मोठ्या अडचणींना सामोरे जावे लागत होते. 

मागील वर्षी देखील नदीला पूर आल्यानंतर परिस्थिती उद्भवली होती, दरवर्षी येणार्या या संकटातून मार्ग काढण्यासाठी या भागातील रहिवाशांनी सौ.अंजुम ताई कांदे यांची भेट घेऊन आपली व्यथा मांडली होती. नागरिकांच्या समस्या जाणून घेण्यासाठी सौ कांदे यांनी स्वतः पाहाणी करून आ सुहास अण्णा कांदे यांना वरील परिसरातील नागरिकांच्या अडचणी सोडविणे गरजेचे असल्याचे सांगितले होते.आ.कांदे यांनी बांधकाम विभागाच्या अधिकाऱ्यांशी चर्चा करून तातडीने उपाययोजना करणे बाबत सूचना केली होती.

महावीर पारख यांनी आपल्या मनोगतात आमदार सुहास कांदे यांनी नागरिकांच्या समस्या जाणून घेत नांदगाव शहरात मोठा विकास घडवून आणल्याचे सांगितले. याप्रसंगी बोलताना नाना जाधव यांनी आमच्यासाठी हा पुल म्हणजे संजीवनी ठरणार आहे. यामुळे आमच्या अनेक कायमस्वरूपी वर्दळीची समस्या दूर होणार आहे, असे मनोगत व्यक्त करताना आ.कांदे यांचे संपूर्ण परिसराच्या नागरिकांच्या वतीने आभार मानले.

याप्रसंगी व्यासपीठावर माजी नगराध्यक्ष राजेश कवडे, अरुण पाटील,चेतन पाटील,काका सोळसे, डॉ.सुनील तुसे, राजाभाऊ जगताप, भाजपा नेते दत्तराज छाजेड, डॉ.यशवंत जाधव, नांदगाव नगर पालिकेचे मुख्य कार्यकारी अधिकारी जाधव, सागर हिरे प्रकाश शिंदे नांदगाव शहर प्रमुख सुनील जाधव, समाधान पाटील बाळासाहेब शेवरे, साईनाथ पवार ,मनोज चोपडे, चेतन शिंदे शिवसेना महिला आघाडी तालुकाप्रमुख विद्याताई जगताप, शहरप्रमुख संगीता बागुल, नांदगाव शहर प्रमुख रोहिणी मोरे ,आदींसह परिसरातील रहिवासी नागरिक मोठ्या संख्येने उपस्थित होते.