कासलीवाल विद्यालयात जागतिक योग दिन उत्साहात साजरा

 Bay- team aavaj marathi 

विजय जी चोपडा जेष्ठ पत्रकार नांदगाव (नाशिक)

नांदगाव येथील सौ. कमलाबाई माणिकचंद कासलीवाल माध्यमिक विद्यालयात आंतरराष्ट्रीय योग दिन निसर्गरम्य वातावरणात, प्रफुल्लित मनाने उत्साहात साजरा करण्यात आला. योगसाधनेचा हा कार्यक्रम म्हणजे तन-मन-आत्म्याच्या समतोल साधनेचा उत्सव ठरला.

 यावेळी विद्यालयाच्या मैदानावर विद्यार्थ्यांनी सूर्यनमस्कार व विविध योगासने शिक्षकांसह केली.संजय शिवदे,शरद पवार ,संदीप आहेर यांनी विद्यार्थ्यांना मार्गदर्शन केले. विद्यालयाचे मुख्याध्यापक गोरख डफाळ यांनी योगाचे महत्त्व विद्यार्थ्यांना समजावून सांगितले. आरोग्य सुदृढ ठेवण्यासाठी नियमित योगासने करण्याचे आवाहन त्यांनी विद्यार्थ्यांना केले.शाळेतील शिक्षकांनीही उत्स्फूर्तपणे विविध योगासने व प्राणायामाचे प्रात्यक्षिक सादर केले. त्याचप्रमाणे विद्यार्थ्यांकडूनही शिस्तबद्धतेने योगासने करून घेतली गेली. सूर्यनमस्कार, ताडासन, वृक्षासन, भुजंगासन, त्रिकोणासन, सर्वांगासन, हलासन, व प्राणायाम यांचे अत्यंत सुरेख प्रात्यक्षिक विद्यार्थ्यांनी सादर केली, ज्यातून त्यांच्या शरीर-मनातील ऊर्जा ओसंडून वाहताना दिसली.

 आंतरराष्ट्रीय योग दिनानिमित्त संस्थेचे चेअरमन मा.श्री.सुनिलकुमार कासलीवाल, उपाध्यक्ष सुशील कासलीवाल, सचिव विजय चोपडा, प्रशासक प्रकाश गुप्ता ,सहसचिव प्रमिलाताई कासलीवाल,विश्वस्त रिखबचंद कासलीवाल,जुगलकिशोर अग्रवाल, महेंद्र चांदिवाल, आनंद कासलीवाल,दिलीप पारख,प्रिन्सिपल मनी चावला मुख्याध्यापक गोरख डफाळ तसेच प्राथमिक विद्यालयाचे मुख्याध्यापक श्री.विशाल सावंत यांनी आंतरराष्ट्रीय योग दिनानिमित्त सर्वांना शुभेच्छा दिल्या.