नांदगाव महाविद्यालयात स्पर्धा परीक्षा मार्गदर्शन व करिअर कट्ट्याचे" उद्घाटन संपन्न

 Bay -team aavaj marathi 

सिताराम पिंगळे सर पत्रकार मांडवड नांदगाव (नाशिक)

मराठा विद्या प्रसारक समाजाचे कला, वाणिज्य व विज्ञान महाविद्यालय, नांदगाव येथे सोमवार दिनांक १ सप्टेंबर रोजी "विद्यार्थी विकास मंडळ, स्पर्धा परीक्षा मार्गदर्शन व करिअर कट्टा" या उपक्रमाचे उद्घाटन संपन्न झाले. इंजि. अमित बोरसे -पाटील मविप्र संचालक नांदगाव यांनी अध्यक्ष स्थान भुषविले. या निमित्त अध्यक्षीय भाषणातून इंजि.अमित बोरसे पाटील म्हटले की विद्यार्थ्यांना नांदगाव तालुक्यातील परिस्थितीची जाणिव करून दिली या परिस्थितीतून बाहेर पडावयाचे असेल, तर स्पर्धा परिक्षेशिवाय गत्यंतर नाही अशी तळमळ व्यक्त केली.

त्यांनी महाविद्यालयात सुरू असलेल्या तिन्ही योजनांचे कौतुक केले व विद्यार्थ्यांना आवाहन केले की, या योजनांचा जास्तीत जास्त लाभ घ्यावा. कार्यक्रमास प्रमुख अतिथी म्हणून शरद पाटील कनिष्ठ महाविद्यालय व्यवस्थापन समिती सदस्य, डॉ प्रविण निकम वरिष्ठ महाविद्यालय व्यवस्थापन समिती सदस्य, विकास कवडे, जनार्दन पवार आदी मान्यवर उपस्थित होते.

 महाविद्यालयाचे प्राचार्य डॉ. आर. एन. भवरे यांनीही विद्यार्थ्यांना याप्रसंगी मार्गदर्शन केले. तसेच सदर कार्यक्रमाप्रसंगी महाविद्यालयाचे अंतर्गत गुणवत्ता सिद्धता कक्षाचे समन्वयक प्रा. एम. बी. अटोळे उपस्थित होते.विद्यार्थी विकास मंडळाचे अधिकारी डॉ. ए. एन मदने यांनी विद्यार्थ्यांना या मंडळांतर्गत येणाऱ्या विविध योजनांची सविस्तर माहिती दिली. स्पर्धा परीक्षा मार्गदर्शन केंद्राचे प्रमुख प्रा. आर.व्ही. वाघ यांनी विद्यार्थ्यांना संबंधित विभागासंबंधी सविस्तर मार्गदर्शन केले तसेच करिअर कट्ट्याचे समन्वयक प्रा़.आर. टी. बिन्नर यांनी विद्यार्थ्यांना सदर उपक्रमावर सविस्तर मार्गदर्शन केले.

  कार्यक्रमाचे सुत्र संचालन प्रा. वाय. आर. वाघ यांनी केले. कार्यक्रमाचे प्रास्ताविक प्राध्यापिका डॉ. व्ही. ए. गागरे पाटील यांनी केले. तर आभार प्रदर्शन प्रा. ए. एम. लव्हाटे यांनी केले. सदर कार्यक्रम यशस्वी होण्यासाठी महाविद्यालयातील सर्व प्राध्यापक, शिक्षकेतर कर्मचारी आणि विद्यार्थ्यांनी उत्स्फूर्त सहभाग नोंदविला .