महिला सुरक्षेसाठी 'विशाखा समिती' सक्रिय विद्यालय बैठक संपन्न

 Bay -team aavaj marathi 

सिताराम पिंगळे सर पत्रकार मांडवड नांदगाव (नाशिक)

नांदगाव येथील न्यू इंग्लिश स्कूल विद्यालयात महिला सुरक्षिततेसाठी विशाखा समितीची बैठक झाली या कार्यक्रमाचे अध्यक्ष मुख्याध्यापिका ज्योती काळे तर प्रमुख पाहुणे डॉ.योगिनी चव्हाण यांच्या हस्ते दीप प्रज्वलन व सरस्वती मातेचे पूजन करण्यात आले. प्रमुख मान्यवरांना शाल व पुष्पगुच्छ देऊन सन्मानित करण्यात आले.

कार्यक्रमच्या प्रास्ताविकातून जया गवळी विशाखा समितीचा उद्देश सांगताना लैंगिक छळापासून विद्यार्थीनीचे संरक्षण करण्यासाठी आणि त्यांना सुरक्षित व भयमुक्त शैक्षणिक वातावरण मिळावे .यासाठी प्रत्येक विद्यालयात विशाखा समितीची स्थापना केली जाते.

 प्रमुख पाहुणे डॉ. योगिनी चव्हाण यांनी विद्यार्थिनींना मार्गदर्शन करताना सकस आहार, नियमित व्यायाम, योगासने याचे महत्त्व सांगितले. त्यांनी लैंगिक छळ म्हणजे काय, त्याचे दुष्परिणाम काय असू शकतात हे सांगितले. विद्यार्थिनींनी वाढत्या वयाबरोबर आपल्यात होणाऱ्या शारीरिक बदल व त्याची माहिती घरातील आई ,मोठी बहिण यांना द्यावी. विद्यार्थिनींनी नेहमी चाणाक्ष असावं.

 त्यांनी विद्यार्थिनींना प्रसार माध्यमांपासून दूर राहण्याचा सल्ला दिला. सध्याचे युग हे स्पर्धात्मक युग असल्याने आपण स्पर्धा परीक्षांकडे ही लक्ष दिले पाहिजे. आपल्यावर होणाऱ्या अन्यायाविरुद्ध नेहमी जागृकता ठेवावी. म्हणजेच विद्यार्थिनी स्वतःला सुरक्षित आणि सन्मानित समजतील. मुख्याध्यापिका ज्योती काळे यांनी आपल्या मनोगतात लैंगिक छळापासून विद्यार्थिनींचे संरक्षण आणि त्यांना सुरक्षित व भयमुक्त वातावरण विद्यालयात निर्माण करण्यासाठी मी बांधील असेल. विद्यार्थ्यांनी आपल्यावर होणाऱ्या अन्यायाची तक्रार लगेच विद्यालय प्रमुख यांच्याकडे करावी. 

 तक्रारदार आणि संबंधित व्यक्तीची गोपनीयता राखली जाईल. कोणत्याही प्रकारचा सामाजिक दबाव बाळगू नये.चौकशीनंतर दोषी आढळल्यास, संबंधित व्यक्तीवर नियमानुसार योग्य ती कार्यवाही करण्यास शाळा प्रशासन सक्षम आहे हे त्यांनी सांगितले. या कार्यक्रमास सुनिता निकम,स्मिता केदारे,लता आहेर,कल्पना अहिरे, वैशाली पाटील,सायली पाटील,सरला राणे, शुभांगी खैरनार व विद्यार्थिनी उपस्थित होत्या. कार्यक्रमाचे सूत्रसंचालन सुवर्णा अहिरे तर आभार प्रदर्शन गीतांजली मोरे यांनी केले.