नांदगाव येथील कला, वाणिज्य व विज्ञान महाविद्यालय वनस्पतीशास्त्र विभागाने 'वनस्पती उत्सव' आयोजित करण्यात आला होता. या उत्साहात 100 वनस्पतीचे प्रदर्शन करण्यात आले. याप्रसंगी विद्यार्थ्यांनी बीज राखी पुष्परचना प्रदर्शन आयोजित केले होते. या उत्सवाचे विशेष आकर्षण म्हणजे स्थानिक रानभाज्यांचे प्रदर्शन होते. मराठा विद्या प्रसारक समाज संस्थेचे नांदगाव संचालक इंजि. अमित बोरसे पाटील यांनी कार्यक्रमाचे उद्घाटन केले.
यावेळी बोलताना स्थानिक वनस्पतीचे गुणधर्म थक्क करणारे असून या वनस्पतीच्या संवर्धनात माहितीचे जतन करणे काळाची गरज आहे. असे याप्रसंगी बोरसे पाटील यांनी प्रतिपादन केले. या वनस्पती उत्सवाचे अध्यक्ष महाविद्यालयाचे प्राचार्य डॉ. आर. एन. भवरे हे होते. याप्रसंगी डॉ.भवरे यांनी विद्यार्थ्यांच्या स्तुत्य उपक्रमाचे कौतुक केले, व वनस्पतीच्या शास्त्रीय माहितीचे महत्व अधोरेखित केले.
वनस्पतीचे विविध फायदे व व्यावसायिक महत्त्व सुद्धा याप्रसंगी विशद केले. कार्यक्रमाचे प्रस्ताविक वनस्पती शास्त्र विभाग प्रमुख प्रो.डॉ. के.आर खंदारे यांनी केले तर पाहुण्यांचा परिचय डॉ. ए.एन मदने यांनी दिला. सूत्रसंचालन डॉ. वृषाली गागरे पाटील यांनी केले. उपस्थितांचे आभार प्राध्यापक सागर भागवत यांनी मानले. वनस्पती उत्सवाच्या यशस्वीतेसाठी विभागातील सर्व प्राध्यापक सेवक व विद्यार्थी यांनी परिश्रम घेतले.
0 Comments