कासलीवाल इंग्लिश मिडीयम स्कूल मध्ये शिक्षकदिन उत्साहात साजरा.......

 Bay -team aavaj marathi 

विजय जी चोपडा जेष्ठ पत्रकार नांदगाव (नाशिक)

 नांदगाव येथील जे. टी. कासलीवाल इंग्लिश मिडीयम स्कूलमध्ये दि. 4 सप्टेंबर रोजी विद्यार्थ्यांनी शिक्षक दिन उत्साहाने साजरा केला. शिक्षक दिनाच्या निमित्ताने शाळेचे संपूर्ण कामकाज त्यादिवशी विद्यार्थ्यांनी सांभाळले. शाळेच्या प्रांगणात समारंभ आयोजित करण्यात आला.

स्कूलचे प्राचार्य श्री मणी चावला सर तसेच विद्यार्थी प्रतिनिधी यथार्थ नाईक व नयना जाधव, पियुष पगार यांनी सर्व कार्यक्रमाचे नियोजन केले. या कार्यक्रमाच्या सुरूवातीला इयत्ता दहावीच्या विद्यार्थ्यांनी स्व.किशोर बागले सर यांच्या आठवणींना शब्दसुमनांनी उजाळा दिला. कार्यक्रमासाठी संस्थेचे चेअरमन मा.श्री सुशिलकुमार जी कासलीवाल तसेच संस्थेचे सर्व पदाधिकारी आणि क.मा.कासलीवाल प्राथमिक व माध्यमिक विद्यालयाचे मुख्याध्यापक, शिक्षक यांनाही आमंत्रित करण्यात आले होते.

 कार्यक्रमाची सुरूवात उपस्थित मान्यवरांच्या हस्ते प्रतिमा पूजन व दीपप्रज्वलनाने करण्यात आली. यावेळी विविध कार्यक्रमांचे आयोजन शिक्षकांसाठी करण्यात आले होते. त्यामध्ये ओळखा पाहू तसेच विविध संगीतमय खेळांचे आयोजन करण्यात आले होते.या खेळांमध्ये विजयी झालेल्या शिक्षकांना बक्षीस देवून सन्मानित करण्यात आले. 

यावेळी शिक्षकांना वेगवेगळे अवॉर्ड देऊन गौरविण्यात आले. विद्यार्थ्यांनी आपल्या मनोगतातून शिक्षकांविषयी कृतज्ञता व्यक्त केली. इयत्ता आठवी व दहावीच्या विद्यार्थ्यांनी सुंदर समूह नृत्य सादर करून उपस्थितांची मने जिंकली.तसेच इयत्ता नववीच्या विद्यार्थ्यांनी समूह नृत्याच्या माध्यमातून आपल्या शिक्षकांची सुंदर अशी ओळख करून दिली. कार्यक्रमाच्या शेवटी उपस्थित मान्यवरांच्या हस्ते केक कापून करण्यात आला.

सर्व विद्यार्थ्यांना व शिक्षिकांना संस्थेचे चेअरमन श्री. सुनीलकुमार कासलीवाल, तसेच संस्थेचे सेक्रेटरी विजय चोपडा, सौ.प्रमिला ताई कासलीवाल, सुशिल भाऊ कासलीवाल, जुगलकिशोर जी अग्रवाल, रिखबचंद कासलीवाल, महेंद्र चांदीवाल, प्रिन्सिपॉल मनी चावला ,मुख्याध्यापक विशाल सावंत,गोरख डफाळ यांनी शिक्षक दिनानिमित्त शुभेच्छा दिल्या.

कार्यक्रमाचे सूत्रसंचालन इयत्ता दहावीच्या विद्यार्थीनी वैष्णवी खैरनार व चारू यादव यांनी तर आभार राऊल आहेर यांनी मानले.