नांदगाव तालुक्यातील बोलठाण येथे शनिवारी सकाळी ११ वाजता प्रहार शेतकरी संघटनेचे संस्थापक तथा माजी मंत्री बच्चू कडू यांनी शेतकऱ्यांच्या प्रश्नावर सरकार ला इशारा दिला. यावेळी व्यासपीठावर संघटनेचे राज्य सचिव धर्मेंद्र सातव जिल्हाध्यक्ष गणेश निंबाळकर, दिव्यांग संघटनेचे जिल्हाध्यक्ष ललित पवार अनिल भंडारे यांच्यासह पदाधिकारी उपस्थित होते. या कार्यक्रमाचे प्रास्ताविक करताना प्रहार चे तालुकाध्यक्ष संदिप सुर्यवंशी यांनी शेतकऱ्यांचे, दिव्यांगांचे आणि विविध विषयांवर बच्चू कडू यांना अवगत केले.
बच्चू कडू यांचे बोलठाण येथे आगमन होताच बसस्थानक परिसरात येथील व्यापारी बांधवांनी त्यांचे स्वागत केले त्यानंतर थार गाडीमधून सभास्थळा पर्यंत भव्य रोड शो दरम्यान विविध स्तरांतून त्यांचे स्वागत करण्यात आले. सभेच्या ठिकाणी येताच जेसिबी मधुन पुष्पवृष्टी करुन भव्य स्वागत करण्यात आले, याप्रसंगी महिलांनी त्यांचे औक्षण केले.
या कार्यक्रम प्रसंगी बोलताना बच्चू कडू म्हणाले की, शेतकरी, दिव्यांग, विधवा, परित्यक्ता मात्र यांच्या मतांवर राज्य करणाऱ्या मंत्र्यांना शेतकऱ्यांच्या प्रश्नावर तोडगा काढण्यासाठी वेळ नाही. आमदारांच्या मानधनात भरघोस वाढ होत आहे.
तर दुसरीकडे दिव्यांग बांधवांच्या मानधनात केवळ एक हजार रुपयांची वाढ झाली आहे. शेतमजूर शेतकरी दिव्यांग विधवा परित्यक्ता यांच्या मतांचा मोबदल्यात त्यांना काहीच मिळत नाही. दि २८ आक्टोबर ला नागपूर येथे भव्य मेळावा आयोजित करण्यात आला आहे.
यामध्ये प्रामुख्याने शेतकरी बांधवांना सरसकट कर्ज माफी, दिव्यांगांच्या न्याय हक्क मिळवून देण्यासाठी हा मेळावा आयोजित करण्यात आला आहे. तरी सर्वांनी जात पात, धर्म राजकीय पक्ष मतभेद बाजूला ठेवून सहभागी व्हावे असे आवाहन त्यांनी केले.
यावेळी संघटनेचे जिल्हाध्यक्ष गणेश निंबाळकर, प्रहार ग्रामपंचायत कर्मचारी संघटनेचे वतीने सोपान खिरडकर, जातेगावचे माजी सरपंच नारायण पवार यांनी मनोगत व्यक्त केले. यावेळी मोठ्या संख्येने पंचक्रोशीतील जनसमुदाय उपस्थित होता. हा कार्यक्रम यशस्वीतेसाठी जनार्दन भागवत, ,गणेश दाणे, प्रवीण जाधव, रवि भागवत, आरीफ शेख, सुरेश सूर्यवंशी, ढेकू कुसुमतेल चे सरपंच आनंदराव सूर्यवंशी, संदिप पाटील, तसेच बाळू बोरसे, नाना मोरे, देवीदास गायके, ममराज बदाले, रवि सूर्यवंशी यांनी परिश्रम घेतले. तर उपस्थितांचे आभार संघटनेचे नेते पत्रकार ईश्वर जाधव यांनी मानले.
0 Comments