मविप्र संचलित न्यू इंग्लिश स्कूल नांदगाव विद्यालयात कर्मवीर डाॅ. वसंतराव पवार यांची पुण्यतिथी निमित्त त्यांच्या पवित्र स्मृतीस विनम्र अभिवादन करण्यात आले.
याप्रसंगी शालेय व्यवस्थापन समिती अध्यक्ष विजय काकळीज ,विद्यालयाच्या मुख्याध्यापिका ज्योती काळे, उपमुख्याध्यापक दीपक चव्हाण, पर्यवेक्षक अविनाश शेवाळे, व सर्व उपस्थितांच्या हस्ते प्रतिमा पूजन करण्यात आले.
मुख्याध्यापिका ज्योती काळे यांनी आपल्या मनोगतात सांगितले की, डॉ वसंतराव पवार यांचा एका शेतकरी कुटुंबात जन्म झाला होता. त्यांनी आपला कार्यातून सामाजिक व राजकीय क्षेत्रात नाव लौकीक केले. त्यांनी मविप्र संस्थेत शिस्त, गुणवत्ता आणि पारदर्शकता या त्रिसूत्री चा अवलंब केला. त्यांनी वैद्यकीय क्षेत्रात सेवाभावी वृत्तीने काम केले. याप्रसंगी विद्यालयातील सर्व शिक्षक, शिक्षिका व शिक्षकेतर कर्मचारी उपस्थित होते.
0 Comments