खरात नंतर आणखी एक प्रकरण डझन भर खोटे नाव वापरून उच्च पदस्थ महिलांचे केले शोषण

Bay- team aavaj marathi 

राज्याच्या राजधानीत इस्रो शास्त्रज्ञ असल्याचं भासवून शरीरसंबंध, नवी मुंबईच्या भामट्याचा राज्यात 11 महिलांना गंडा, 12 खोटी नावं वापरली. राहणीमान मोठ्या अधिकाऱ्या सारखे ठेवून आरोपी तरुण हा डॉक्टर, इंजिनीअर आणि बँक अधिकारी यांसारख्या उच्चशिक्षित महिलांना हेरायचा. लग्नाच्या भूलथापा देऊन त्यांच्याशी शारीरिक संबंध प्रस्थापित करायचा नाशिक मधील भोंदूबाबा अशोक खरातच्या कारनाम्यांची गल्लोगल्ली मध्ये सुरू असताना, नवी मुंबईत महिलांच्या लैंगिक शोषणाचा असाच धक्कादायक प्रकार उघडकीस आला आहे. इस्रो मध्ये शास्त्रज्ञ असल्याचे सांगून उच्चशिक्षित व उच्चभ्रू महिलांना प्रेमाच्या जाळ्यात ओढणाऱ्या तरुणाला नवी मुंबई गुन्हे शाखेने बेड्या ठोकल्या आहेत.

या ठगाचे नाव आदर्श म्हात्रे असे त्याचे नाव असून, त्याने डझनभर महिलांचे लैंगिक व आर्थिक शोषण केल्याचे समोर आले आहे. केवळ दहावी पास असलेल्या आदर्श ने विवाह जुळविणारी संकेतस्थळे व अन्य सोशल मीडिया व्यासपीठांवर बनावट प्रोफाइल तयार केली होती. कधी इस्रोचा शास्त्रज्ञ, तर कधी ‘पीडब्ल्यूडी’मध्ये उच्चपदस्थ अधिकारी असल्याचे तो सांगायचा. शरीरसंबंध आणि पैशांची लूट राहणीमान मोठ्या अधिकाऱ्यांसारखे ठेवून तो डॉक्टर, इंजिनीअर आणि बँक अधिकारी यांसारख्या उच्चशिक्षित महिलांना हेरायचा. लग्नाच्या भूलथापा देऊन त्यांच्याशी शारीरिक संबंध प्रस्थापित करणे आणि त्यानंतर पैशांची गरज असल्याचे भासवून चालाखीने लाखो रुपये उकळणे, ह त्याची ‘मोडस ऑपरेंडी’ होती.

त्याने राज्याच्या विविध भागात ओढलं महिलांना जाळ्यात 

आदर्श हा एका महिलेकडून लुबाडले ले पैसे दुसऱ्या महिलांसाठी वापरायचा. उरलेली रक्कम तो मौज मजा व चैनीच्या आयुष्यावर, तसेच कॅसिनो मध्ये उडवायचा. त्याने केवळ नवी मुंबईतच नव्हे, तर राज्यांत ठाणे, मुंबई, पिंपरी-चिंचवड, नागपूर आणि यवतमाळ अशा विविध शहरांतील अनेक महिलांना जाळ्यात ओढले असल्याचे समजते. आत्तापर्यंत त्याच्यावर विविध पोलिस ठाण्यांत ११ गुन्हे दाखल झाले आहेत. पोलिस निरीक्षक सुनील शिंदे आणि त्यांच्या पथकाने तांत्रिक तपासाचा आधार घेत आदर्शला अटक केली. या प्रकरणात फसवणूक झालेल्या महिलांचा आकडा वाढण्याची शक्यता वर्तवली जात आहे.

हे वापरले बोगस नावे 

बोगस शास्त्रज्ञांची १२ नावे पोलिस तपासात आदर्श म्हात्रे ने स्वप्नील वारुळे, हेमंत गायकर, नहुश म्हात्रे, रूद्रेश गोंधळी अशी वेगवेगळी नावे वापरल्याचे आढळून आले आहे. तो अत्यंत चलाखीने आपली ओळख बदलून महिलांचा विश्वास संपादन करायचा. नाशिकच्या अशोक खरात ने भोंदूबाबाचा मुखवटा ओढून महिलांची फसवणूक केली, त्याच धर्तीवर आदर्श ने बोगस शास्त्रज्ञ बनून महिलांच्या आयुष्याशी खेळ केल्याचे उघडकीस आले आहे.

आदर्श याने अनेक महिलांचे शोषण केले असल्याचा अंदाज असून बदनामीच्या भीतीने अनेक पीडित महिला तक्रार देण्यासाठी पुढे येत नसल्याचे चित्र आहे. महिलांनी भावनेच्या आहारी न जाता विवाह जुळविणाऱ्या संकेत स्थळावरील व्यक्तीची पूर्ण खातरजमा केल्याशिवाय कोणतेही आर्थिक व्यवहार करू नयेत. शिवाय कोणाची फसवणूक झाली असेल, तर त्यांनी न घाबरता तातडीने पोलिसांशी संपर्क साधावा असे आवाहन पोलिसांनी केले आहे.