कासलीवाल विद्यालयात 'गुरुपौर्णिमा' उत्साहात साजरी.

 Bay- team aavaj marathi 

विजय जी चोपडा जेष्ठ पत्रकार नांदगाव (नाशिक)

नांदगाव, दि. १० जुलै रोजी जे. टी. कासलीवाल इंग्लिश मिडीयम स्कूल नांदगाव येथे गुरुपौर्णिमा अगदी जल्लोषात साजरी करण्यात आली. समाजामध्ये असलेले गुरुचे महत्व लक्षात घेता या कार्यक्रमाचे आयोजन करण्यात आले होते. या कार्यक्रमासाठी स्कूलचे प्राचार्य श्री मनी चावला सर, क.मा.कासलीवाल माध्यमिक व प्राथमिक विद्यालयाचे मुख्याध्यापक श्री.गोरख डफाळ, विशाल सावंत, शिक्षक व शिक्षकेतर कर्मचारी उपस्थित होते. कार्यक्रमाची सुरुवात प्री - प्रायमरीच्या शिक्षका अश्विनी देसले यांच्या सुरेल आवाजातील गुरूमंञाने तसेच प्रार्थनेने झाली.

 त्यानंतर उपस्थित मान्यवरांच्या हस्ते सरस्वती पूजन करण्यात आले. गुरूंमुळे आपल्याला जीवनाला योग्य दिशा मिळते. त्यासाठी इयत्ता दहावीच्या वर्गातील विद्यार्थिनींनी शिक्षकांचे औक्षण केले तसेच आभार स्वरूप भेटवस्तू दिल्या. त्यांच्यासाठी भाषणे, कविता, समूह नृत्य आणि गाणी प्रस्तुत केली. प्री- प्रायमरीच्या विद्यार्थ्यांनी सुंदर अशी गुरु द्रोणाचार्य व एकलव्य यांची नाटीका सादर करून गुरू शिष्याचे महत्व दाखवून उपस्थितांची मने जिंकली. 

यानंतर प्राचार्यांच्या हस्ते केक कटिंग करण्यात आला. सांस्कृतिक विभाग प्रमुख सौ.सुवर्णा आव्हाड यांनी व इयत्ता दहावी,नववी,आठवीच्या विद्यार्थ्यांनी या कार्यक्रमाचे नियोजन आखले होते.कार्यक्रमाचा समारोप करताना इयत्ता दहावीच्या विद्यार्थ्यांनी उपस्थिती दाखविल्याबद्दल सर्वांचे आभार मानले.

तर कार्यक्रमाचे सूत्रसंचालन दहावीच्या विद्यार्थिंनी चारू यादव व नयना जाधव तसेच प्री-प्रायमरी च्या शिक्षका शोभा निकम यांनी केले.तर आभार प्रतिभा भोपळे यांनी मानले.

संस्थेचे चेअरमन मा.श्री. सुशिलकुमार जी कासलीवाल तसेच संस्थेचे सचिव विजय चोपडा,सहसचिव सौ. प्रमिला ताई कासलीवाल, सुशिल भाऊ कासलीवाल, जुगलकिशोर जी अग्रवाल, महेंद्र चांदीवाल ,रिखबचंद कासलीवाल, प्रकाश गुप्ता यांनी स्कूल चे प्राचार्य, मुख्याध्यापक, शिक्षक व शिक्षकेतर कर्मचारी, विद्यार्थी यांना गुरू पौर्णिमेच्या शुभेच्छा दिल्या.